Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi

Edukado

Knabgrupo en rondo

La Eduka Fako startas denove en sekureco per novaj originalaj spertoj ĉiam plursensaj: etaj grupoj, respekto de distancoj, diĝitaj ludoj kaj multo pli.

Palpado por ni estas ankoraŭ kaj ĉiam neforigebla! Tiu estas la ununura muzeo en la mondo, kie arto renkontiĝas kun palpsento, vispovo kaj penso kaj estigas senton nomatan… miro! Loko, kie oni retrovu senton de bonfarto kaj pasigu tempon en kunesto kun arto. Loko sen bariloj, loĝata de studentoj, familioj, asocioj, homoj kun handikapoj precipe vidaj; nu, de ĉiuj kiuj scivolas ekkoni arton en maniero alispeca.

Loko, kie eduki rigardojn, penson kaj manojn.

Ni kunakordiĝu!

Por ni gravas via kaj nia sano, tial jen kelkaj komunaj reguloj:

  1. La eniro en la Muzeon estas ĉiam senpaga, sed ekde la 6a de aŭgusto 2021 estas submetata al la prezento de la Verda pasejo kun escepto de tiuj ne vakcinitaj pro la aĝo (malpli ol 12-jaraj) aŭ pro neeblo atestita de kuracista dokumento.
  2. Kontaktu nin per 335 56 96 935 (telefono kaj whatsapp) aŭ per retpoŝto didattica@museoomero.it ĉar antaŭmendo por aktivadoj kaj por la eniro estas deviga.
  3. Surmetu ŝirmomaskon!
  4. Protektu per gantoj viajn manojn, verajn ĉefrolulojn en la aventuro ĉe Muzeo Homero!

Vi povas peti pri: Manuela Alessandrini, Anna Chiara Broggi, Maria Giulia Mengarelli, Francesca Santi.
Respondecas pri la projektoj: Aldo Grassini, Andrea Sòcrati.

La laborejoj

La ejoj destinitaj kiel didaktikaj laborejoj estas 2 kaj ili troviĝas sur la dua etaĝo kaj estas atingeblaj per lifto.
Ili estas laŭcele ekipitaj por ĉiu speco de eduka aktivado de argilknedado al realigado de palplibroj: tabloj, seĝoj, bakujo por ceramikaĵoj, lavujoj, ŝrankoj kun ĉiuj materialoj utilaj por la aktivadoj dividitaj laŭ la speco, tiflodidaktikaj helpiloj, arkivo kun la prototipoj por la laboroj.
La du laborejojn apartigas la spaco dediĉita al la sekretariejo de la edukaj servoj. Sur la sama etaĝo troviĝas la necesejoj. Por manĝetoj disponeblas la ekstera spaco de la korto de Komplekso Vanvitelli.