Verko: Surfaco

Description

“Al ĉielo vi levis / rigardon kaj tie vi observis / ĝiajn interplektojn sekretajn… / Via  geometria pureco / malkaŝis ilin al vido / kun natura harmonio… / Ili estas nun mapoj kaj mezuroj / Por ĉiela navigado”.
La poeto Eugenio De’ Signoribus dediĉas tiun vortojn al la skulptisto Walter Valentini, naskiĝinta en Pergola (Pesaro Urbino), aŭtoro de la ĝemelaj verkoj “Superficie kaj “Di-segno” donacitaj al Muzeo Homero en 2011, okaze de la IV aranĝo de Bienalo Arteinsieme, kies reklamatestanto li estis.

“Superficie” estas malhelgriza bareliefo modlita el argilo kaj poste bakita per aparta procedo donanta al la skulptaĵo karakterize grizecan patinigon.

La reliefo aperas sur vertikale orientita ortangula plato  (41 oble 63 cm-ojn). La supran centran parton de la plato okupas densa serio de vertikalaj linioj inter si paralelaj, kiujn tranĉas aliaj pli mallongaj strekoj estigantaj ritman skandadon; la malsupra parto prezentas meze serion de samcentraj duoncirkloj, kiujn dekstre kaj maldekstre flankas elipsoj kaj cirkloj malfermitaj, kvazaŭ devus ilin kompletigi la spektanto. Kreiĝas do kontrasto inter geometriaj rektliniaj kaj sinuaj. Orbitoj, elipsoj, linioj kaj sferoŝajnas sugesti bildojn de imagaj konstelacioj, kreante personan ĉielan mapon.

La surfaco de la plato montras evidentajn fendojn kaj ankaŭ la bordoj havas breĉetojn, tiel ke rompiĝas la ortangula reguleco. La verko evidentigas la grandan amon de Valentini por la perspektivo de la dekkvina jarcento.