Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi

Aldo Grassini intervjuita de Ĉina Radio Internacia

Aldo Grassini entuziasme konsentis akcepti esperantlingvan intervjuon ĉe China Radio International, la 65-lingva internacia radioservo de la Ĉina Popola Respubliko.

La Prezidanton de Muzeo Homero intervjuis Alessandra Madella, kaj ankoraŭfoje protagonisto estis Muzeo Homero, ĝiaj celoj, ĝia rolo kiel ekzemplo de inkluzivo, integriĝo kaj alirebleco, celo atingita per ne malmultaj oferoj kaj longaj atendadoj.

Aldo Grassini, krom fondinto kaj Prezidanto de Muzeo Homero, estis Prezidanto de la Itala Esperanto-Federacio, kaj tio ebligis rektan kontakton kun la ĉina radio, kiu publikigis la intervjuon kun fotoj kaj videoj.

La intervjuo vekis interesiĝon ĉe la tutmonda esperantistaro kaj estos baldaŭ tradukita en la ĉinan de la esperantista grupo de Tianjin. Oni esperas starigi estontan kunlaboradon kun ĉinaj muzeoj.

Renkontiĝo por festi la centjariĝon de Franco Corelli

Ĵaŭdon la 8-an de Aprilo 2021 je h. 18:00.
Interreta evento.

Finiĝas la programo “La voĉo spegulo de l’animo” kaj okaze de la festado de la centa datreveno de la naskiĝo de Franco Corelli, Muzeo Homero, kunlabore kun Amici della Lirica Franco Corelli, organizas renkontiĝon gvidotan de
Fabio Brisighelli. La muzikkritikisto pritraktos la etapojn de la sensacia kariero de la granda Ankona tenorulo, aŭdigante memorindajn interpretojn.

La rendevuo estas por ĵaŭdo la 8-a de Aprilo je la 18:00. Partoprenu senpage sur la Zoom-platformo de Muzeo Homero, antaŭanoncante vin retpoŝte ĉe conferenze@museoomero.it aŭ spektu la realtempan dissendon sur la YouTube-paĝo de Muzeo Homero.

Arkitektura maketo de la Brazilja katedralo

Donaco de Fazenda-Escola Bona Espero

Muzeo Homero posedas ekde hodiaŭ arkitekturan maketon de la katedralo de Braziljo desegnita de la arkitekto Oscar Niemeyer kaj inaŭgurita en 1970.
Ĝin donacis Fazenda – Escola Bona Espero, situanta 250 km norde de Braziljo, meze de savano.
Ĝi estis fondita kaj mastrumata de esperantistoj kiel komunumo de malriĉaj infanoj de Brazilo kaj estas nun kultura centro. Geedzoj Aldo Grassini kaj Daniela Bottegoni subtenas ĝin jam multajn jarojn.


Muzeo Homero estas firme ligita kun la tutmonda esperantistaro, ĉar ĝi estas unu el la malmultaj muzeoj, se ne la ununura, kies retpaĝaro estas tradukita ankaŭ al esperanto sekve de elekto de “demokrata” rilatiĝo kun ĉiuj kulturoj.

La arkitektura maketo de la Brazilja katedralo, realigita de memstara metiisto, estas ligna; ĝi altas 35 kaj larĝas 50 cm-ojn kaj ebligas palpesploradon de tiu strukturo hiperbola kaj suprencelanta.
La konstruaĵo prezentas du manojn moviĝantajn al la ĉielo kaj tenantajn krucon.
Danke al tiu donaco eblos kompreni la modernan arkitekturon, kompleksan kaj futurisman de la katedralo dediĉita al Nossa senhora Aparecida (Apero de Nia Sinjorino).