Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi

Ekspozicio Toccare Gli Angeli (pripalpi anĝelojn)

Copertina Mostra Toccare gli Anngeli

Ekstercirkvitaj skulptaĵoj de Gioacchino Varlè ĉe Muzeo Homero
De la 3a de Decembro 2009 ĝis la 20a de Junio 2010,
Museo Tattile Statale Omero, Via Tiziano 50, Ancona.

Inaŭguro: ĵaŭdon la 3an de Decembro 2009 je 17,30.
Okaze de la Internacia Tago pri la Rajtoj de Handikapitoj.
Kun la ĉeesto de la urbestro de Ankono Fiorello Gramillano,
la urba estrarano pri kulturo, Andrea Nobili, la Ĉefepiskopo de Ankono – Osimo, Mons. Edoardo Menichelli.

Presento de la katalogo: dimanĉon la 13an de Decembro 2009 je 17,30.

Ekspoziciataj verkoj

Duopo de Keruboj, dua duono XVIII jc., statua marmoro el Kararo, dimensioj: alt. cm 60 x 40 proks.
Duopo de Evangeliistoj (Luko kaj Johano), fino XVIII jc., marmoro; dimensioj: Johano, alt. cm 57 x 30 x 25, Luko alt. cm 72,5 x 38 x 23.
Restaŭritaj far C.B.R. de Romeo Bigini.

Gioacchino Varlè (Romo 1731 – Ankono 1806)

Rolis protagoniste sur la arta scenejo de la urbo Ankono en la dua duono de la XVIII jarcento. Kiel skulptisto li realigis gipsajn kaj marmorajn verkojn, kaj elfaris stukajn ornamaĵojn, ĉefe por la interno de preĝejoj, inkluzive de tiuj de la lokaj monaĥaj ordenoj, sed ankaŭ por plibeligi la ejojn de publikaj palacoj kaj de privataj loĝejoj.

Pripalpi anĝelojn

“Pripalpi anĝelojn, tiujn lumajn diajn heroldojn, estas neimageble, kaj tio validas kutime ankaŭ pri la skulptaĵoj, prezentantaj tiujn samajn nedireblajn estaĵojn, produktitaj de la artistoj kaj bele montriĝantaj en preĝejoj kaj muzeoj.

Nun, danke al sinergio inter Muzeo Homero, la Dioceza Muzeo kaj Dominikanaj Patroj de Ankono, estas ekspoziciataj por admiro kaj palpesploro fare de la publiko valoraj kaj ekstercirkvitaj marmorskulptaĵoj de Gioacchino Varlè (Romo 1731 – Ankono 1806): du mirindaj anĝelkapoj, infanaj kaj flugilhavaj, kaj du figuroj de evangeliistoj, Luko kaj Johano, parte kripligitaj, sed porokaze submetitaj al lerta konserva restaŭro. Per si mem ili estas elokventaj spuroj de la renoviga ebrio trapenetrinta la dekoka-jarcentan Ankonon: dum Luigi Vanvitelli redesegnis kaj emfazigis la urban formon, Gioacchino Varlè ornamis kaj modernigis, per sia miriga kaj abunda plastika verkado, ĉiujn plej gravajn urbajn arkitekturaĵojn.

Post la ekspozicia okazo la kvar verkoj De Varlè restos, verŝajne ĉiuj, deponprene ĉe Muzeo Homero, alireblaj al aŭtentika kaj ĉiun-inkluda publika ĝuado. En tiu privilegia loko, ili estos, laŭcele, promocia kaj ne nur okaza atesto pri la pozitiva kunlaborado de institucioj por la civila kaj kultura kresko de la komunumo, interne de kiu ili agadas.

Fine, fermi la okulojn kaj pripalpi anĝelojn, tiujn skulptitajn de la spirito kaj majstreco de artisto, kiu serĉis en beleco la signon de eterneco, ĉu ne iel similos senti kaj vidi anĝelojn, tiujn imagitajn de la homo, kiu ekde ĉiam rigardas al transa realo?”

Massimo Di Matteo

Ekspozicia aranĝo

La verkojn, ekspoziciatajn en sugestia aranĝo de arkitekto Massimo Di Matteo,
prilumas la “Nubo”, moviĝanta lampo-objekto elpensita de artdesegnisto Denis Santachiara, danke al kunlaboro de Studio Italia Design, Marcon – Venecio, kaj de Effettoluce, Castelfidardo – Ankono.

La lampo realigas amuzan kaj poezian nuntempaĵon, ironie elvokantan la celebrajn kaj scenejajn aranĝojn de la dekoka jarcento.

La ekspozicion de la ekstercirkvitaj skulptaĵoj kompletigas fotoj pri verkoj de Varlè rilatantaj al la urba itinero, kiu evidentigas la abundan agadon de la artisto en Ankono.

Informoj pri la ekspozicio

Iniciatinta institucio: Ŝtata Palpsenta Muzeo Homero
Kunordigo: Roberto Farroni.
Scienca komitato: Maria Giulia Cester, Giuliano de Marinis, Massimo Di Matteo, Nadia Falaschini, Roberto Farroni, Aldo Grassini, Diego Masala, Massimiliano Trubbiani.
Kun la patronado de: Ministerio de Kulturaj Riĉaĵoj kaj Agado, Ministerio de Instruado, Universitato kaj Esploro, Superintendanto pri Arkitekturaj kaj Pejzaĝaj Riĉaĵoj de Markio, Regiono Markio, Provinco Ankono, Komunumo Ankono.
Kunlabore kun: Superintendanto pri la Historiaj, Artaj kaj Etnoantropologiaj Riĉaĵoj de Markio – Urbino, Arkidiocezo Ankono-Osimo, Dioceza Muzeo de Ankono, Monaĥejo de la Dominikanaj Patroj de Ankono, Studio Italia Design, Effettoluce – Castelfidardo.
Prizorgado de la ekspozicio, katalogo kaj tekstoj: Massimo Di Matteo, Nadia Falaschini, Diego Masala.
Aranĝo: Massimo Di Matteo.
Prilumado: Effettoluce – Castelfidardo.
Restaŭro: C.B.R. de Romeo Bigini.
Pruntedonantoj: Dioceza Muzeo de Ankono, Monaĥejo de la Dominikanaj Patroj.
Grafikaĵoj kaj fotoj: Visibilio de Maurizio Bolognini.
Helpiloj por nevidantoj: Massimiliano Trubbiani.
Organiza sekretariejo: Maria Giulia Cester, Massimiliano Trubbiani.
Komunikado kaj Pres-Oficejo: Economia&Cultura de Gabriella Papini.

Informoj pri gvidataj vizitoj

Telefono 071 28 11 93 5; Faksilo 071 28 18 35 8; Retpoŝto info@museoomero.it .

Gvidataj vizitoj de la Muzeo kaj de la Ekspozicio zorge de la Edukaj Servoj De la Muzeo: Manuela Alessandrini, Monica Bernacchia, Cristiana Carlini, Francesca Graziani, Andrea Socrati, Annalisa Trasatti, Massimiliano Trubbiani.
Prezo: po 7,00 por ĉiu homo, senpage por infanoj ĝis 4 jaroj;
po 3,50 por ĉiu ano de grupo (minimume 4, maksimume 60 homoj, kun po unu gvidanto por 20);
Ĉiuj aranĝoj estas senpagaj por handikapitoj kaj iliaj akompanantoj.

Vizit-horoj 3a de Decembro 2009 – 20a de Junio 2010.
mardon-sabaton: 9.00 – 13.00, 15.00-19.00. dimanĉon: 16,00 – 19,30.
26an de Decembro, 6an de Januaro, 4an de Majo, 2an de Junio: 16,00-19,30.
Fermo: lunde; 25an kaj 31an de Decembro, 1an de Januaro, Paskon, 1an de Majo.

Eniro senpaga.

Coppia di angeli e lampada Nuvola
Aldo Grassini esplora tattilmente la Coppia di evangelisti

Elŝutu la aldonaĵon

Premio Zamenhof 2009

Premio Zamenhof 2009
Premio Umberto Stoppoloni
Itala Esperanto-Federacio

Vendredon la 20an de Novembro 2009 je la 21,00
Teatro Sperimentale “Lirio Arena”, Ancona

Eniro libera.

Premio “Zamenhof” la voĉoj de la paco – VIII aranĝo 2009

Geedzoj Ahmad kaj Hayede Parsa

Inspiriĝante el la principoj de la Bahaa religio, ili transloĝiĝis en Afrikon, kie ili dediĉis sian vivon al edukado de infanoj kaj al formado de instruistoj laŭ la valoroj de unueco en diverseco
kaj de la konsekvenca akcepto de ĉiaj diversecoj ekde tiuj religiaj kaj rasaj.

Roberto Mancini

Filosofia docento ĉe la Universitato de Macerata, serioze kaj rigore konformigas sian sciencan kaj edukan agadon al disvolvigo de autentica kulturo de paco, baziĝanta sur interpopola solidareco kaj defendo de homaj rajtoj.

Shel Shapiro

Lia agado sur la spektaklo-kampo kuniĝas al sindonema engaĝiĝo por la subteno de solidarecaj iniciatoj sur la kampoj socia kaj eduka en Africo kaj Azio.

Premio “Umberto Stoppoloni”

la neeblaj integriĝoj – Aranĝo 2009
La interreta paĝaro Site.it,
kiu en 1998 fariĝas interreta gazeto ambicianta plenumi informadan rolon inter la montoj de la interna Abruco.

Gvidos la premiadon
Francesca Alfonsi
Andrea Carloni

Kunlabore kun
Economia & Cultura Gabriella Papini
Immobiliare Elle
Mariotti Costruzioni

Kaj kun la patroneco de
Provincia di Ancona
Regione Marche
Comune di Ancona
Museo Tattile Statale Omero

Finos la prezenton koncerto de la Kvarteto kun piano
Laura Di Marzio, violono
Michela Zanotti, vjolo
Alessandro Culiani, violonĉelo
Anna Lisa Sorcinelli, piano

kun komponaĵoj de Mozart kaj Schumann
kunlabore kun la asocio Amici della musica “Guido Michelli”

Kunokaza aranĝo:
Presento de la Libro “Via Zamenhof”
di Roman Dobrzinski, Editrice Giuntina, 2009
fare de la tradukintino Michela Lipari

Merkredon la 18an de Novembro, je la 18
Libreria Fogola
Placo Cavour 4, Ancona

Ĵaŭdon la 19an de Novembro, je la 18
ĉe Sala della Provincia
strato Gramsci 6, Pesaro
(kunlabore kun la librejo Il Catalogo).

Pri la libro

La verko naskiĝas el ideo de Roman Dobrzynski, pola reĝisoro kaj verkisto, intervjui profesoron Louis Christophe Zaleski-Zamenhof, nepon de Ludwik Lejzer Zamenhof, kreinto de esperanto (1859-1917).
La renkontiĝo montriĝos poste tre emociveka kaj pro la rakontitaj okazaĵoj kaj pro la kapablo de la intervjuato enkadrigi ilin en ties historian kaj socian kuntekston, tiel sukcesante prezenti originalan bildon pri drama periodo, kiu koncernis plurajn generaciojn.
La intervjuo Trasformiĝis al serio da renkontiĝoj ripetiĝintaj tra la jaroj Kaj fariĝis libro jam tradukita ĝis nun en dek du landoj.
Louis naskiĝis en Varsovio en 1925. Li estis 14-jara kiam nazioj okupis la urbon kaj arestis la membrojn de la famiglio Zamenhof ĉar ili estis judoj. Poste ili neniigis ilin, ĉu per mortpafado ĉu per forsendo al ekstermejoj. Louis, enfermita en la getto, plurfoje riskinte deportadon, sukcesis fine forfuĝi kun la patrino kaj partoprenis poste en la rezistomilito.
Ne malpli interesa estas lia profesia kariero: diplomiĝinte kiel inĝeniero, li fariĝis unu el la plej elstaraj fakuloj pri konstruaĵoj el streĉbetono.
Multaj estas la paĝoj dediĉitaj al istorio kaj evoluo de esperanto kaj al la vivo de la eminenta avo, kies famajn vortojn Davide Astori memorigas en la antaŭparolo:
“Se mi ne estus hebreo el la geto, la ideo pri la unuigo de la homaro aŭ tute ne venus al mi en la kapon, aŭ ĝi neniam tenus min tiel obstine en la daŭro de mia tuta vivo. La malfeliĉon de la homara disiĝo neniu povas senti tiel forte, kiel hebreo el la geto.”