Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi

La ekspozicio de Muzeo Homero en Černá Hora, Moravio, antaŭas la grandan ekspozicion en Prago

Projekto “Homa Dia”

Itala Ambasado en Prago, Muzeo Homero, Itala Instituto pri Kulturo.

Černá Hora, Urba Biblioteko: 27 de Septembro – 26 de Oktobro 2008.

En la plej antikva kaj plej tradici- kaj histori-riĉa Moravio malfermiĝas sabaton la 27an de Septembro, ĉe la Urba Biblioteko de Černá Hora, la arta ekspozicio “Umano Divino” (“Homa Dia”), kiu antaŭas kaj antaŭĝuigas la ekspozicion en Prago. Temas pri ekspozicio elpensita kaj organizita de la Itala Ambasado en Prago, kiun direktas.Fabio Pigliapoco, la Itala Instituto pri Kulturo, la Ŝtata Palpsenta Muzeo Homero de Ankono estrata de Roberto Farroni.

Černá Hora estas gastama kaj karakteriza montara urbo, sidejo de la historia tradicia bierfarejo “Pivovar Černá Hora” (la plej antikva en la Ĉeĥa Respubliko) fondita en 1298 kaj direktata de Inĝ. Jiří Fusek. Ĉi tie pasinteco kuniĝas kun nuntempo dinamika kaj evoluema.

Inĝ. Jiří Fusek, kiu estas ankaŭ Prezidanto de la tut-Eŭropa cirkvito de tradiciaj bierfarejoj kaj, en sia hejmlando, promocianto de pluraj kulturaj aranĝoj kinematografiaj, vizitis en la pasinta somero la Ŝtatan Palpsentan Muzeon Homeron kaj ekŝatis ĝian unikecon kaj ĝian filozogion resumitan en la slogano “Palpi arton kun ni eblas”. De tiu unua renkontiĝo kun Prezidanto Farroni naskiĝis la ideo eksporti la sperton de Muzeo Homero ankaŭ al Černá Hora, en la kadro de tipa kultura festivalo, kiun oni organizas tie ĉiujare en la lasta septembra semajnfino.

La ekspozicio en Černá Hora, prizorgita de arkitekto Massimo di Matteo, ampleksos vastan elekton de verkoj (originaloj kaj reproduktaĵoj) de Muzeo Homero, de la “Pozidono el Artemiza Kabo” al la maketo de Partenono, de la renesancaj “Pietà” “Sankta Petro” kaj “Rondanini” de Michelangelo al la nuntempa skulptaĵo de Vittorio Morelli ”De l’ sankta Naturo la Sanktulo”, akompanatat de ampleksa kaj signiforiĉa specimenaro el la krea verkado de Felice Tagliaferri , nevidanta skulptisto kiun Muzeo Homero promocias je nacia kaj internacia niveloj. El liaj manoj, gvidataj de nekredebla palpokapablo, ricevas formon, el kreto aŭ el marmoro, neforgeseblaj figuroj, kiel “La Avino de l’ Sudo” aŭ “La Virino de l’ Vento”.

La ekspozicio estas organizita kunlabore kun “Guzzini Illuminazione” kaj kun SONS, la ĉeĥa asocio responda al la Itala Unuiĝo de Blinduloj kaj Malfortevidantoj, kun kontribuo de Unipol kaj Lucesole Trasporti. Ĉiuj artaĵoj estos palpesplore ĝueblaj, ankaŭ helpe de aŭdaj kaj brajlaj didaktikaj materialoj.

La inaŭguron de sabato la 27a de Septembros ĉeestos: la Itala Ambasadoro en Prago Fabio Pigliapoco, Prezidanto Roberto Farroni kun delegitaro de la Muzeo (Aldo Grassini, Daniela Bottegoni, Annalisa Trasatti), la prizorganto de la aranĝo Massimo di Matteo, la artisto Felice Tagliaferri, inĝ. Jiří Fusek de la bierfarejo Černá Hora, Umberto Rinaldi, estro de la Itala Instituto pri Kulturo en Prago.

Kultura entrepreno kun la kontribuo kaj la patroneco de la Prezidanto de la Regiona Konsilio de Markio, kaj kun la patroneco de la Provinco Ankono kaj de la Komunumo ankono. “Umano Divino” estas projekto, kiu kulminos en Prago per granda evento ekde la monato Novembro.

Bright Ubuntu, mastruma sistemo open source sen bariloj

Logo de projekto

Nevidantoj kaj malfortevidantoj povos utiligi en maniero simpla kaj senpaga la komputilon kaj ĉiujn programojn danke al sistemo jam entenanta voĉsintezilon kaj lupeon.

Hodiaŭ, lundon la 14an de Julio, estas prezentata en gazetara konferenco la projekto nomita “Bright Ubuntu, mastruma sistemo ‘open source’ sen bariloj”, celanta realigi kaj disvastigi mastruman sistemon senpagan kaj facile uzeblan fare de nevidantoj kaj de aliaj handikapuloj.

La ideo

La projekto naskiĝas de ideo de Mirko Montecchiani, junular-respondeculo de la Unuiĝo de blinduloj kaj malfortevidantoj de Markio, kun la fundamenta subteno de Maurizio Mazzieri, volontulserva deĵoranto en la organizaĵo, kaj de la Rotario de Ankono. Ŝatanto de vojaĝoj kaj arto kaj sentema pri la problemaro de integriĝo de nevidantoj en la socion, Mirko sukcesis engaĝi la stabon de DIIGA (inĝeniera departemento pri komputiko, mastrumado kaj aŭtomatigo) de la Politeknika Universitato de Markio, gvidata de prof. Luca Spalazzi kaj la Prezidanton de la Ŝtata Palpsenta Muzeo Homero de Ankono Roberto Farroni.

Mastruma sistemo “open source”, t.e. senpaga, aranĝita por nevidantoj kaj malfortevidantoj

La mastruma sistemo, nomita “Bright Ubuntu”, estos realigita de la stabo de DIIga zadaptante la mastruman sistemon open source Ubuntu jam ekzistantan, por igi ĝin “bright”, t.e. luma kaj oportuna por nevidantoj kaj malfortevidantoj, provizante ĝin per ĉiuj necesaj aldonaj programoj kaj forigante balaston.
La logo, tiu oficiala de Ubuntu adaptita de Emeline Moreau, resumas la celon de la projekto superi la komputikan diskriminacion: ĝi montras tri interbrakumantajn infanojn: unu el ili tenas en la mano bastonon; la tri infanoj havas okulojn resp. bluajn, brunajn kaj verdajn.

Cohabitat

Ĝuste pro sia baza celo la projekto enkadiriĝas plene en la ecaro postulata de Cohabitat – Asse Human bit – ricevante gravan kontribuon de la Provinco Ankono por ĝia realigo, kaj hodiaŭ en la gazetara konferenco la provinca estrarano prikulturo Carlo Maria Pesaresi, substrekis laŭcelecon kaj novecon de la projekto, kiu kapablas kunigi teknologion kaj kulturon.

La komunumo kaj la distribua reto

Eblos senpage elŝuti la sistemon el tiucele kreita retejo http://jeap.diiga.univpm.it/brightubuntu/wiki, entenanta forumon por diskutado kaj helpopaĝojn (simile al Vikipedio) klarigantajn kiel instali kaj utiligi la sistemon.
Fine de la laboro de la Universitato, la stabo de la Ŝtata Palpsenta Muzeo Homero kune kun grupo de la Itala Blindul-Unuiĝo testos kaj prijuĝos ĝian funkciadon.

La plurmedia laborloko ĉe Muzeo Homero

Ĉe Muzeo Homero estos aranĝita, ĉe la enirejo, plurmedia laborloko, kie Bright Ubuntu estos instalita, tiel ke la nevidantaj vizitantoj de la Muzeo povos kolekti ĉiujn informojn simple, rekte kaj memstare.
La mastruma sistemo estos elŝutebla ankaŭ el la retejo de Muzeo Homero www.museoomero.it kaj tie troviĝos ĉiuj utilaj indikoj kaj ligoj.

La fina evento

La projekto, startinta en Majo, kompletiĝos en Oktobro per oficiala tago destinita al la prezento, promocio kaj distribuo de la produkto.